是咁的，我返緊兩份工，全職客服同兼職漢堡包店，兩份都要輪更，而且兼職有最低時數要求，基本上返工返足七日，早出晚歸，每日瞓得幾個鐘，食得兩餐。
全職客服返call center，同事平均得廿歲，返工最大樂趣係有佢哋嘻嘻哈哈，好青春好活力。
兼職漢堡包店暫時我負責配料位，照單執料，由烘麵包到唧醬再放配料先後次序同食物質素都有標準。之後仲要輪收銀、烤肉、炸薯條同洗廁所，忙到無時間飲水去廁所，偏偏有好大滿足感，做到頭頂出煙腰酸背痛仍然想做好呢份工。
唔知可以撐到幾時，但今日仲有得揀自己條路，至少要對得住自己。只要仲有一口氣，路再難行都要行埋落去！
You are not alone.